Nikki Bella Nih Roman Reings A Tuarpi Nak Kong A Chim

Kan hnu ni khat ni ah WWE Universe ah ngaihchiatnak a fak ngaimi a chuak i cu cu kan uar tak takmi Roman Reigns ( Leati Joseph Anoa’i ) blood cancer zawtnak a ngei tihi a si.

Roman Reigns nih Raw an honnak ah a zawtnak ruangah aa dinh lainak kong cu a chim i a ho poh a zohmi cu an mitthli a rak tla dih hna. Hi a zawtnak hi kum 22 a si lio khan a rak i thawk cangmi a si i a tu hi stage 2nak ah a um cang caah a rian hi i dinh a hau ti kong a chim.

Cu lio ahcun back stage ah a rak umm i wrestler pawl an mit thli a rak thla ve. Zahan i CBS nih interview an tuahnak ah Nikki Bella nih a ngaihchiat pinak kong a chim “ na zoh thla tukmi na hawi ttha nih ruah lo piin hi bantuk a vun chim hin cun lau lo awk a ttha lo ” a ti.

A peh eih i “ hi bantuk thil a pah kho tu cu Roman lawng hi a si, a thinlung a tthawng i midang zong lung tthawnnak a pek hna cu caah Roman a kal ahcun kan WWE show hi a dang tuk lai, keimah nih siseh a ho poh nih thlacam bawm hna usih, hi kan Big Dog hi rak kir tthan zok dingin kan duh ” tiah a chim.