Nifa na nunnak ah na tuah ding

Hi a tanglei catlang pawl hi Nifatin rellaw na caah thathnemnak tampi a um lai. Rellaw tuah i zuam hmanh. Buainak in na luat lai, na ngan a dam lai i huatu na ngei bak lai lo. Cu pawl cu zeidah an si ti cun,

Nifa na nunnak ah mithmai panh tein um zungzal.

Mi he i sik le bia el ti bantuk hrial zungzal.

Mi ruahnak lak piak i zuam .

Mi an palhnak kawl i tim peng hlah.

Na palh tikah ka palh tiah cohlang law remh i zuam colh.

Thlum al te biachim i zuam peng.

Mi biachim kha tha tein ngeih piak khawh i zuam, mi biachim tha tein ngai.

Mi thangthat le conglawmh i tim peng.

Mi nuamh le lawmhnak tuah i zuam.

Na hawikom , na theih hngalh min pawl i cinken.

Dawtnak he mi fak le conglawmh, thangthat i zuam peng.

Mi tang ah i dor i zuam peng.

Mi palh nak na chim phuam hlan ah nangmah na palhnak kha i zoh ta.

Mi zaangfah le theihthiam i zuam peng.

Midang nih na sin um kha a nuam ti khawh dingin nun i zuam.

Na pawng harnak a tongmi an um tikah bawmh khawh colh i zuam hna.

Caan tha na hmuhmi kha hmang colh, man ngei te hman khawh i zuam peng.

Hmailei caan bawh duh hlah, atu na caan kha man ngei te hman i zuam.

HI a cunglei catlang pawl hi a tawifiannak in tialmi a si. Na caah atha hnemmi a si nak hnga tuah le zulh khawh i zuam hmanh.