nghakchia nu nih anu sin i biahalnak atuahmi hi rakrel cio hmanh uh ahman bak mi asi tiah ka ruah

Nghakchia nu pakhat bia chim mi hi thate in ruat hmanh. Nu le pa tampi nih kan ruah bal lo mi. bia hman ngai mi asi tungmi thil asi. nghakchia anu nih cun afanu cu an sin umpi mi zohkhenh dingin an chiah I, an len tak lengmang tawn.

A nu le pa zong cu an buai ve ngai I, rian lei ah maw, aherhnak kip ah an chuak I, an fanu belte cu an sin umpi sinah an chiah ta tawn. vawi khat cu afanu nih cun ahringtu a nu sinah bia halnak atuah I, ka nu zeiruangah dah kan umpi sinah hin na ka chiah I, na ka lentak lengmang tawn tiah ati.

 Anu nih cun kafa kan I manhlo tuk ruangah pei asi cu tiah aleh. Afanu nih cun na sui thi, zungbunh le tumbul hna hi kan sin umpi sinah hin na chiah bal lo le tiah ati than. Anu nih cun kafa hi bantuk thilman fakmi le sungmi cu umpi hna sinah chiah phung asi lo teh tiah aleh than.

Afanu nih cun asi ah cun keimah hi teh na suithi le zungbunh, tumbul nak in ka sunglawi lo deuh maw asi tiah ati I, anu nih cun lehawk zong athei tilo. Hi nghakchia nu nih anu sin I, bia halnak atuahmi hi capo zong alo asinain bia hman ngaimi thil asi.

Atu lio nu cheukhat cu asungtuk mi kan fale cu sin um kan I lak riangmang I, hna ngam ngai in lentak kan hmang, kan fale cu mi zohkhenh ter dingah maw kan hrin hna. Azohkhenhtu ding cu anu le asi tiah keizong nih ka ruah.

Be the first to comment

Leave a Reply

Your email address will not be published.


*