Nau pawi lio ah tuah bak lo ding

Nu hna an i dawh bik lio caan cu nau an pawi lio caan te a si.  Cheukhat nau a pawimi nu cu an muidawhnak a chuak i iang an ngei khun, sihmanhsehlaw khat lei cun an nau thla hna a can pah tikah an thin a tawimi nu tampi an um ve. Nau pawi lio hi an i dawhbik caan a si bantukin khat lei cun ralrin an herh bik caan zong a si ve. An nau inn kilven a herh bik lio caan a si. Cucaah nau pawi lio ah riantuan tuk, exercise hna tuah ti pawl cu hrial hrimhrim ding a si. Cucaah nau pawi liomi nu nih cun hi a tanglei thil pawl hi a tuah lai lo.

Thil a rit mi a cawihlir lai lo. Nau pawi lio ah thil rit cawihler hi tih a nung ngaimi. Khi ti thil rit cawihler nak in nau inn a tla kho, cun kengruh a rawk a fawi lio caan te a si. Zeicahtiah nu nih nau a pawi lio caan cu a ruhrua rawhral le kiah ti pawl a fawi lio caan te a si.

A hrangmi cawlcangh le exercise tuahnak. Nau pawi lio ah cawlcangh pah exercise tuah cu a tha ko. Nain a hrang tukmi phundang chim cun a harsa deuhmi exercise cu tuah hrimhrim lo ding si ve. Paw he aa tlakmi te lawng tuah ding si.

Thlan chuahnak khan le ti liohnak hmun kal lo ding. Hi bantuk hmunhma hi minung tampi an kalnak a si. An rim le an haw in pum caah a tha lomi bacteria pawl i lak a fawi te. nau pawi lio cu taksa vun zong a tha a der lio caan a si caah zawtnak i chawnh zong a fawi. Cucaah hi bantuk thlan chuahnak khan le ti liohnak hmun ah kal lo ding si. Cun Bawlung celhtual, mi nung an tamnak hmun hma ah kal lo ding abiapi tuk. Mi dang zawtnak thli in aa chawkmi i lak khawh a si.

Tlik bak lo ding. Nau pawi lio cun tlik hrimhrim lo ding. Rang te tlik le duh sah te tlik aa khat. Cucaah nau na pawi si cun tlik bak hlah. Na nau te caah tihnung tuk a si.

Cycle, Setbing cit lo ding. A si khawh cun nau pawi lio ah cycle, setbing hna i cit lo ah a tha. Cun lam ti bantuk zong tuah lo ding a si. Ref”kalay

 

Be the first to comment

Leave a Reply

Your email address will not be published.


*