Na Thil Eimi Hi Fih A Nung Ve Sual Hnga Maw

China ram i restaurant ( eidin dawr) a laar ngaimi Xiabu Xiabu timi dawr ah fa a pawi liomi nu nih a eidin liomi hotpot chung ah zuufa a thimi a hmuh i cu ruangah cun hi dawr hi a min a chia i US dollar 190 million tluk hrawng a tu hi an sung cang tiah an ti.

Hi dawr ngeitu pawl nih hin hi nu hi hi thil a can ruang ah hin China tangka 5000 pek an timh nain a pasal nih laak bak lo dingin a ti a ruang cu a chung i a ummi a fa te hi zei zei cang sehlaw cu cu tangka nih a cham khawhmi a si ttung lo an ti.

Hi zuu a thimi hmanthlak hi social media ah a laar ngai ngai i mipi nih an fih i an sawisel hna ruangah hin mi tampi nih cun an dawr ah an kal duh ti lo caah hi dawr nih hin a tu hi million bak in a sung.