Na duhdawtmi na nupi pasal he nuamte nan um khawhnak hnga hihi tuah

Atu kan chan ah cun nuva khat le khat kar ah nuamte khuasak le um a har ngai cang. Khat le khat lung i hmuh lonak le i theihthiam lonak a tam tuk. Chungkhar a nuam kho lo.  Vawlei hell nun a temhmi kan tampi. Cucaah na dawtmi na nupi, pasal he nuamte nan nun khawhnak hnga a tanglei thil pawl hi na theih le tuah an herh.

1)Na nupi pasal duhmi theih khawh i zuam

Minung a simi poh nih kan i chuahpi mi duhmi le tuah zuammi kan ngei cang. Kawl nih watana an timi khi si. Cu duhmi cungah a hngat ciomi kan si hna. Cucaah nuamte khuasak le um na duh cun na nupi pasal duhmi kha theih piak i zuam law tuahpi, a tuahnak ah i tel ve hmanh nuam tein nan um lai.

2)mah lawng in um caan ngei

A bik in pa hi mah lawngte um a herh mi kan si hna.  Na zumh lo cun na pasal kha zarh khat ah voikhat hrawngte a mah lawng um ter chun hmanh. Thil tampi aa thleng  lai. Rengh tuk le tleih khip tuk khi mi zeipoh nih celh a si lo. A caan cun zalon hi kan herh cio.

3)a mah he nun thiam le thut um thiam i zuam

Mi zeipoh nih kan pawngkam hawiokom hna he nun thiam kan herh. Midang he kan nun thiam si cun nuamhnak a mah tein a chuak ko. Cucaah na nupi na psal he khua nan sak nak ah nun thiam le thut dir thiam i zuam.

4)A thil tuahmi cohlan piak

Na nupi na pasal kha zeitluk sifah le mihrut a si zongah zawmtai hlah. A tha dernak pawl zong kha cohlang. A thadernak le santleih lonak zawnah dirkamh i zuam,, nek hlah. Soisel fawn hlah. Thazaang tu heh tiah pe.

5)Na ruahnak chim zungzal

Khua na ruahmi kha nangmah pi lawng ruat peng hlah. Amah kha chim ve. Nu cu an thinhun caan cun zeipoh an chim nain mi an ngaih caan le an hlam caan ah kan ngai , kan duh timi chim hi an i harh taktak. Nain chim ko. Na duhdawtnak kha  thup hlah fiang hlang tein chim peng.

Cu ti na tuah si cun nan kar ah dawtnak hri a fek lai i nuam tein nan nung lai. Rak tuah chun hmanh.

Ref.AM