Mission a tuan liomi sayama telh in Kawl ralkap nih an tleihmi Kachin minung15 hna cu atu tiang an kong theih si ti lo

Kan hnu  October thla dih lai ah khan Kawl ralkap nih mah te khual a tlawngmi Kachin minung 15 hna cu an tleih hna. KBC, Kachin Baptist Convention nih Tuluk ram ah mission an thlahmi sayama pakhat Chamlioq Hkawng Nyoi zong aa tel ve. An loh nak ni 9 si cang nain an thawng an thei hna lo, an umnak zong theih a si lo caah Kachin biaknak lei upa te an thinphang ngai.

 

Hi tleihkhih tongmi hna kongah anmah KBC president simi Rev. Dr. Hkalam Samson nih Kawl ralkap bawi cu a chawnh tik ah hitihin a leh,

” tleih an si ko, a hlan kan tein ralrin pek cia an si ko. Atu an kalnak lam lei hi kal lo ding si. a kalmi cu 17(1) ning in a zizut le tleih nan si lai tiah ralrin kan pek cia hna tiah a ti.

Anmah Kawl ralkap bawi te zong nih May 1 ah khan Tuluk le Kachin ramri KIO ukmi hmun ah kal in ralzam pawl zong mah duh poh in vehvat lo ding  si lai tiah Bamaw ummi KBC cu ca he an rak pek ko hna.

Tleih tongmi chungkhar pawl zong an lungrethei ngaingai.Tleih tongmi 15 chungah sayama Chamlioq hi KBC nih Tuluk ram ah mission an thlahmi a si. Hpung Mai Yang timi khrihfabu zongah pastor tuan liomi si fawn.

Midang an chuah hna lo tal ah mah sayama nu chuahnak dingah heh tiah KBC lei upa te zong an cawlcang cuahmah hna.

Ref. Kachinnews