Mirum le mi tha timi zong nih thihnak cu an hrial kho lo

Ruah lo tuk in Thai mirum pa English Premier League club pakhat Leicester City ngeitu pa Mr.Vichai cu nai niruk zan ah ruah lo tuk in a thi ai. Niruk zan ah a football team pawl le Wesham united pawl cu an celhtual ah an i cil hna. Puai dih inn a tin lei ah aa citmi helicopter cu a tla i a kaang . A chung ummi pa 5 ning in an thi tiah thawngzamhnak ah an chim.

Mr. Vichai thih taktak le thih taktak lo thawng dik theih khawh si lo. Media pakhat le pakhat chimmi an i khat cio lo nain amah neihniam simi pakhat nih BBC news sin a chim nak ah mah a tla i kaangmi Helicopter chungah Mr. Vichai aa tel ve ko tiah a ti. Cun an fans pawl zong nih ngahchiatnak an tuah cio.

Hi kongah amah Team lei Leicester lei nih thawngthanhnak an tuahmi zeihmanh a um rih lo. Mr. Vichai hi Thailadn ram mirum bik 5 nak ummi a si. A bik in Thai ah vawlei le inn le lo zuarnak a tuahmi a si. Forbes magazine chim ning ah cun 2018 Vichai ngeihmi hi anmah Thai baht in 62 Billions si an ti. Cun Thai ah a khun lak lo bak in King power timi market nganpi a dirh fawn. Thai ram chungah a lar bakmi a si.

A rum lawng si lo, mitha a si rih. Atu Leicester football team ngeitu lak zongah hin amah hi a tha bik a si tiah an ti cio.

2010 khan Leicester City cu Stalin Pound 39 Millions in a rak cawk i a team pawl zong nih 2016-17 ah Champion hrai an lak ve. Cu ah cun a player pawl cu BMW 18 motor pakhat cio le Pound 100000 cio laksawng a rak pek hna.

BBC