Minu pakhat nih mucu siangngakchia pawl cu nam in tuk hna

Nute nih cu tluk sual khawh ve cu, Mucu siangngakchia pawl lente an i celh liopi ah minu nih nam i put in a luh hnawh hna i a tuk hna. Ngakchia 14 nih hma fak an tuar ti si.

Hihi Tuluk ram nitlak lei ah cangmi a si. Nihin Oct. 25 zinglei ah Mucu sianginn kai lio ngakchia pawl lente an i celh nak hmun ah kum 39 nu nih nam he a luh hnawh hna i a tuk ko hna.

Zeiruangah dah a tuk hna timi fiangin theih khawh a si rih lo. Nain online an phuan ning cun mah kum 39 nu nih hin a cozah cungah lungtlin lonak a ngeih caah atu bantuk in thil sual a tuah a si an ti.

Ngakchia pawl nam tunu cu a hmun lila ah palik nih an tleih colh ve. Hma a pumi ngakchia pawl cu siizungah an tlik pi hna. Thenkhat ngakchia cu an hmai ah nam hma a um hna. Online cheukhat media nih cun ngakchia 2 an thi tiah an ti. Sinain palik lei nih cun hihi a dik lo mi si an ti ve.

Tukum chungah Tuluk ram ah hin atu bantuk dohnak le thahnawnnak hi a tam ngaingai. Minung zong an thi phah.

Ref.BBC