Minu a thluak a thi cang nain a pawimi faphir cu nung dam tein a hrin hna

Brazil ram ah kum 21 nu nih a thluak a thih hnu ah  a chung fale cu tlamtling tein a hrin khawh hna caah mipi khuaruahhar taktak in an um hna.

Mah kum 21 nu cu Frankilan an timi asi i faphir a pawi tlawmpal ah a zeng. Cu tikah a thluak zong raintuan kho ti lo. Cu tikah a chungle nih Frankilan cu siizung pakhat ah an kalpi tikah siibawi te nih cun a thluak athi cang, fahring kho dirhmun si ti lo tiah an ti.

Cu tikah mipi ruahnak cun fahring kho ti lo dirhmun ah an ruah i lungretheih taktak in an um hna. A chung faphir hna cu an zoh than hna tikah tha tein an thaw a um, an nung ko .

Cu tikah ruahchannak he minu chung fale zawnruah ah siibawi te nih Oxygen an thleih than. Nithum chung oxygen an thleih tikah a chung fale te an dirhmun an zoh than hnangam a si an ti.

Vanthat ah Frakilan cu a chunglei nauinn le fahrinnak pawl chanbaunak zeihmanh a um hraw lo.  Siibawi te an tha tho ngai i cuticun Frankilan cu siizungah Oxygen ni 123 bak te an thleih.

Cu hnu ah a chung fale tete cu paw khuai in a hrin khawh hna. A fale tete cu thla tling lo an si hawi caah thlalang hrai (phanchaung) chungah thla 3 fai an chiah hna.  Mah faphir hna cu nu le pa an si. Atu ah cun mah faphir hna cu a pa le a pile nih tha tein an zoh khenh hna.

Minu cu thluak a thi nain tha tein fale a hrin khawh hna caah an thangthat.

Ref. eliterader,SM