Minta Nay Toe, ” Ka Nau Min Thawy Nih A Sakmi Sianginn A lim Manh Lo Caah Tukum Chungah Lim Khawh Kaa Zuam Lai,”

Minta Nay Toe naupa Min Thawy nih a thih hlan ah sianginn a sakmi a um i cucu a lim manh hlan ah a thih taak ai. A rak i timhtuahnak cun tukum chung ah lim ding tiah a rak ti. Cucu a upa Nay Toe nih ka nau Min Thway sakmi a lim lomi sianginn cu a mah duhnak bantuk tein tukum chungah dih khawh kaa zuam lai.

Ka pehzulh piak lai. Cun a caah pelhzulh in a hlu zong kan tuah thluahmah rih lai tiah a naupa Min Thway thih thlakhat tlin a hlu an tuahnak ah a chim.

Min Thawy hi mi menmen lo a rak si. Tinhlamhmi tami a ngei. Thiltha tuah aa tim zungzalmi asi. Sinain ruah lo tukin a thi ai.

A thih hlan deuh ah tukum chung tuah ding a timi planing ngan 2 a ngeih cucu sianginn sak le phayate a si. A rian a lim manh hlan ah a thih.

Sinain a upa Nay Toe nih a  rian a chan lai i a pehzulh piak lai. Tutan Min Thway thih cu Kawlram minta mintami pawl zong an lungsak kho bak lo. A ruak thlahmi zong an tam taktak.

A nih hi mitha a si. Mi harsa bawmhnak ah aa tel pengmi a si ve. A chungle tiang a thlarau hlawhtlinnak hnga tiin anmah Kawl biaknak ningin phungki hna an lut ve.

Myanmar celebrity