Minta Dway nih a fanu a rak dawt ning a fanu te a chim cang

Kawlram mintami minta lakah zapi nih rak uar taktakmi cu Dway a si. Nihin ni tiang minta minthang cu an um len ko nain Dway tluk i mipi nih duh le uarmi cu an um rih lo. Dway cu a mui dawh lawng si lo, a nunzia a tha. Movie le fakthanh thlak a thiam tuk ruangah mipi thinlung ah a cam peng ko. A movie thlakmi pawl zong a duai kho hrimhrim lo. Nihin ni tiang mi nih zoh a si ko rih.

Dway a fanu te nih cun a pa dawtnak kong cu a chim. Ka pa Dwat min nih thathnemnak tampi a ka pek. Amah min thawngin caantha (akhunhzii) tampi ka hmuh khawh ve. Cu ruang cu nihin ni zongah a nuhpingngia lei ah kaa peknak a si ve. Ka nu Unty Moe zong nih ka ngakchiat lio tein a ka dawt a fa taktak bantukin a zohkhenh. Ka duhmi poh a ka tuah ter ko. Tha a ka pek peng ko.

A taktak cun A Ba Dway le Unty Moe hi a ka hringtu nule pa taktak cu an si lo. A ka cawmtu an si. Sinain ka nu le pa taktak bantuk in ka ngakchiat lio tein a ka cawmkentu an si. Anmah zohkhenhnak thawngin ni dirhmun ka phanh khawhmi a si. Ka pa Dway cu a thi cang. Sinain ka nu nih a ka dawt thiamthiam. Ka pa zatka pawl le movie pawl hi ka nu hmai ah ka zoh ngam lo. A um lo kar te cun ka zoh peng ko tiah an i cawmmi nu Cele nih a chim.

Dway le a nupi MoeMoe Aung hi an rak men lo. Mi fa bak anmah fa tluk tein an dawt i an zohkhenh ko. Ref: 8Days

Be the first to comment

Leave a Reply

Your email address will not be published.


*