Messi tel loin Barca nih Real cu cei taktak in an den hna

Messi um lawngah Barca hi an thiam rua tiah mi tampi nih ruah a si nain a rak si hlei lo. Messi lo zong in teinak lianpi an hmu ko. Tutan ah tulio Spain league ah tha thawngbik le vawleicung player minthang an i butnak Barca le Real cu tuzan ah Camp nou ah  an cil i Barca nih 5:1 in an den hna.

Barca lei Suarez nih hat-trick a hmu fawn rih. An chuih zohtu an tam taktak. Celhtual an khat thup ko. Team hnih ningin an i zuam veve.

Online le TV zohmi zong an tam bak. Zeicahtiah hi team hnih hna hi  cu a thiambik tiah ruahmi an si. Aa ral  mi zong an si hna  caah zoh an nuam khun.

Half time tiang ah cun Barca nih 2:0 in an tei hna. Countinho nih minute 11 le Suarez nih Penalty in minute 30 ah tiin Kawl 1 veve  an kawl. Second half an chuih minute 50 ah Real nih kawl khat an khumh ve. Cucu Marcelo nih a khumh.

Sinain minute 75 le minute 83 ah  Suarez nih kawl  a khumh than hoi. Cun puai dih lai teah mithleng in a rak lutmi Vidal nih minute 87 ah Barca caah kawl khat khumh ve than.

Cu ti cun puai dih tiang Barca nih Real cu 5:1 in an den hna. Tutan ah Messi cu a kut fah ruangah a tel kho lo. Nain Barca nih teinak nganpi an hmuh thiamthaim. Tutiang puai 10 veve an i celh ah Barca nih Laliga cu points 21 in cungbik ah an hruai hna. Real tu cu points 14 in no. 9 nak ah an um.