Mayweather le Khabib i thonghnak dingah Boxing lei upa le UFC lei upa an i tong cang

I thua taktak hna sehlaw hodah na zumh deuh? Hi hna pahnih hi an i ngir ning a fak chin thluahmah i phomh taktak dawh an si ko cang. Kaphnih lei upa te zong voikhat tonnak cu an ngei cang. UFC lei an duhnak cun anmah UFC hmun ah anmah MMA phung ningte i thongh an duh. Zeicahtiah tuan deuh McGregor lio ah anmah Boxing zulhphung zul in anmah Boxing ring chung ah kan chuak cang. Tutan hi cu an ngamh taktak ko si cun kanmah UFC ring kual ah ra ve hna seh tiah an president nih a chim.

UFC an president nih cun kanmah MMA ring kual chungah an rat caan a si cang tiah bia an halnak ah a chim. Cun tonnak an ngeihnak zong ah a chim nain Boxing lei upa nih Yes zong an ti lo No zong an ti fawn lo ti si.

UFC lei an president pa cu ESPN nih bia an halnak ah cun hi hna pahnih thongh khawhnak dingah mei taktak in i ceihhmai kan hau lai. Biafiang chim awk a tha rih lo. Kanmah MMA phung ning thongh ding in kan chim hna nain aw, aa ti zong an ti lo. An  ngamh taktak si ko cun an rat caan si cang. Kanmah MMA zulh phung te an zulh caan a si.

Mayweather zong MMA lei training a la ti thawng kan theih. Cun a nih ca cun khuika a thongh zongah Dollar tampi a hmu ding a si ko.

Cucaah kanmah tu kal than ding a si cun tha tein khua kan ruah taa hau rih hnga. December thla ah Coner le Khabib i thongh than dawh an si fawn tiah a ti.

Mayweather le Khabib thongh lai cu vawlei pi cuanhmi asi ko. Zeidah an lawh te hnga.

Ref.MSport