Lungi Fenh Ruangah Fak Ngaiin Velh An Tong

Kan hnu nikhat zaan ah India ram Gugarat state ah Bihar in a rami rianttuan pawl cu lungi an i hruk ruangah velh an tong. Palik pawl nih an chimnak ahcun hmun dang in a rami pawl an rem lo hna si loin Gugarat hi an miphin a ttanh takmi an si i an umnak ah hin lungi an i fenh lo caah Bihar in a rami pawl zong hi lungi hruk lo dingin an chimh hna i an duh lo caah a si a ti.

Shatrughan Yadav an timi engineer pa hi rianttuan tu pawl he Bihar in inn sak ding ah a rami an si i nikhat zaan ah khan Yadav le a hawi le pawl cu lungi hruk in inn leng ah bia an i ruah len lio ah pa 3 an rak ra i cu hna lak i pa 1 nih cun an lungi a sawisel piak hna cu tikah i velhnak a chuak i pa 3 nih an velh hna cu karlak ahcun Yadav nih palik pawl a auh hna.

Palik pawl nih pa 1 hi an tlaih manh a dang cu an zaam. Palik zung in Yadav te cu an rak kir ahcun an tthutdan le an mawtaw saikal cu mei in an rak khangh i a rak alh thluahmah ko. Mipi pawl nih Yadav te cu Lungi fenh ti lo dingin an tlerh hna i an kal.