Lion Air vanlawng tlak hlan ah minu nih langhnak a rak hmuh nain an rak thei lo

Indonesia vanlawng a tlak hlan ah minu nih langhnak pakhat a hmuh. Vanlawng a tlak hlan ah cun a fiang lo nain a tlak hnu ah a fiang. Mah vanlawng tlami ah a fanu hi vanlawng riantuanmi a si ve.

LION AIR vanlawng tlak kha nikhat ni sikaw minu nih langhnak a hmuh hi nirukni ah a si. Zeidah a cang ti cun  an inn dothnihnak tidil pakhat ah thuro va pakhat cu a tla ai. Cucu a hmuh tikah a zuanh hnawh i a chuah. Tha tein a chiah.

Cucu a fanu riantuannak Lion Air vanlawng tlaknak ding a rak si an ti. A hmuh lio ah cun zei a rak thei lo. A tlak hnu ceo ah a theih hi a si.  A fanu kum 19 cu a tlami vanlawng riantuanmi a si ve. A tuannak zong a sau rih lo thla hnih fai te lawng si rih.

Atu tiangah an chung tein TV zong zoh an duh lo. An fanu thih kong theih an duh bak lo. Cozah lei nih official te thanhmi lawng an hngah cang.

Minu a pa hrimhrim nih cun ka fanu hi a nung ko lai tiah a ti. Sinain atu tiang ah cun vanlawng cung cuangmi chungin a luatmi an um lo ti si fawn. 189 ning in an thi dih .

Ref: nationmultimedia