Lawmhpi lo awk tha lomi Bibi zumtu tha, thihdan in a luat cang

Lawmhpi lo ah a tha hrimhrim lo. Muslim pawl nih thih dan an pekmi Pakistan ram Khrihfa nu cu nihin ah  biaceih zungpi nih thih dan in luatnak an pek cang. Pathian nih a hupphenh . Thih dan pek cangmi luat hi a har taktakmi si.

A min ah Bibi ti a si i 2009 kum ah khan nu phu pawl he thingthei lawh an kal lio ah ti hrai kongah bia elnak a rak chuak. A nih Bibi cu khrihfa a si ruangah Muslim nu pawl nih khan Bibi ti a dinnak hrai cu a thiang lo, hma kan fih tiah an rak ti i an kar ah bia elnak fakpi a rak chuak. Cu tikah Bibi zong nih aa sum kho ve ti lo in an prophet Muhammad namnehnak bia 3 a rak chim ve.

Cu tikah Muslim run pawl nih Bibi cu a inn cia ah an luh hnawh i heh tiah an rak velh. Muslim na kan namneh tiah an rak ti. Cu ti cun biaceih zungah an auh colh i Bibi cu 2010 kum ah khan thih dan an pek hi a si.

Sinain Bibi cu mi tampi nih an tanpi ve. A bik in anmah ramkhel pa pakhat nih biatak in a  dirpi. Biaknak lei soiselnak phung hna hi remh an hau tiah a aupi len ve.

Cu tikah a donghnak cun biaceih zung nih anmah Muslim biaknak Koran phung le an profet Mohammad phung an zoh tiakh Muslim simi nih biaknak dang he tluk tein hawikomhnak nan ngei lai timi a um caah thihdan in luatnak an pek hi a si.

Atu ah cun Bibi cu thihnak in a luat cang. Vawleipi a hnih dih ko.

Ref.BBC