Laos ram ah Khrihfa chungkhar 23 cu anram nawlngeitu nih nan khua chuak taak uh an ti hna

A poi taktak, Zei sualnak dah an tuah hnga ti awk in, Loas ram chaklei ummi khrihfa chungkhar 23 hna cu an khua in thawl an tong. An ram nawl ngeitu nih nan khua chuah taak uh tiah nawl an pek cang hna.

Hi khrihfa chungkhar thawl an tonmi kongah  pastor pathum nih an ram cozah nawlngeitu he ton i biaruahnak ngeih an i tim. Pastor te zumhnak cun kan nawl hna lai i an khua ah um nak nawl an hmuh than te ko lai ti si.

Pastor te timhlamhnak cun tulio Loas ram phungthar an ngeihmi ah biaknak cu zalonnak a ngei lai timi a um fawn. Cucaah hi khrihfa thawl tongmi hna zong zalonnak an hmuh lai tha tein chim fiannak kan ngei lai tiah an ti.

Loas ram ah hin zumtu an tam ngai. Sinain nihin ni tiang zalong te Pathian biaknak nawl an ngei ve lo. A phunphun thawl le namneh an tong hna.

Cucaah zumtu nih thlacam in bawm hna u sih, an khua upa le ramuk bawi hna nih an khua ah thut um nak nawl an pek than hna nak hnga thlacam in tang cio hna u sih.

Pastor te nih nawl ngeitu an ton hna zau lo le cun an ton hna zongah an lung an i let lo si cun an khua an chuah taak hau te lai, Pathian tu nih umpi hna seh.

Ref.Voice of the martyre