Kylie nih Scott cu ka pasal tiah auh cang, nuva tak si dawh an lo

An fanu thla 8 si cangmi vawleicung minthang le mirum veve Kylie Jenner le Travis Scott cu thitumnak an tuah cang timi thawngpang a leng ngaingai. A ruang cu Kylie Jenner ruangah a si. Zeicahtiah Kylie nih nikhat ni ah khan a pumpak IG Story ah Travis cu Hubby tiah a kawh. Hubby ti cu ka pasal tinak si.

IG cungah thil muici tampi an i hrukmi hmanhthlak le video pawl a tar, cu ah cun” Just because flowers are the best kind, thank u hubby tiah a ti. Cu ruangah cun a fans tampi nih Kylie le Travis hi i umnak an tuah cang ko hih tiah an ti cio dih.

A postmi tangah heh tiah bia a halmi an um len. hubby na ti cu na pasal si taktak cang tinak maw si, i umnak nan tuah cang tinak maw si tiah bia an hal cio dih. Sihmanhselaw zeihmanh a let hna lo.

Kylie le Scott nih a pakhatnak fanu te cu February thla ah khan an rak ngeih.  US weekly Magazine hoi hna nih cun a pahnih fa te zong ngei ding an si tiah an phuan len.

Annih pahnih hi minthang bak ve mi an si. An rum tuk veve fawn. An i um taktak le um tak lo theih a si rih lo.

Ref: Daily Mail