Kum 6 Nute A Tlaihhrem I A Thah Ruangah Hihin Ah Hri In An Thlai

Hi pa nih hin a tuahmi cu a zuun bak ve ko. Zainab Fatima Ameen an timi kum 6 nute cu january thla ah khan pa pakhat ( a min an ttial duh lo) nih a rak tlaihhrem i a rak thah beh i hi a thil timi ruangah hin hi pa hi ni hin zing ah Pakistan ram cozah nih hri in an thlai.

January thla ah khan Zainab Fatima Ameen hi an inn in a rak tlau i a chung le nih palik pawl an chimh hna i a tlau ni 2 hnu ah Zainab Fatima Ameen ruak cu ram lak ah an hmuh. Palik pawl nih hlathlainak an vun tuah i CCTV camera ah Zainab Fatima Ameen cu hi pa a that tu pa he in an kal lio an hmuh hna tikah hi pa hi an inn pawng ummi si i an tlaih.

An tlaih i bia an hal tikah Zainab Fatima Ameen lawng si loin midang 5 zong a rak thah hna. Zainab Fatima Ameen i a chung le nih an i fahsak tuk i mipi hmai bakah hri in 7th hlai dingin cozah sinah an hal nain cozah nih cu cu an tuah lo nain thonginn ah hri in an thlai.