Kum 23 simi nu nih vawleicung fimnak degree sangbik mi Ph.D a lak

A nun cawntlak bak si. Kum 23 simi nu nih vawleicung fimcawnnak degree sangbik mi Ph. D a hmuh. A mah cu Julia Nepper a si i Carolina peng ummi a si. Wisconsin University in Ph. D boih cu  a lak.

Julia cu a ngakchiat liote hrimhrim in hringtu  anu Nadine Nepper nih milian ngan si te ding hi a rak duh piak i saduhthah nganpi a rak ngeih piakmi a si. A saduhthahmi zong a tling bak ve.

Sianginn nak hmanh in inn ah heh tiah ca a chimh zungzal. Zeitluk in dah a nu nih tha a pek ti cun Sianginn in aa chuah ter  i inn bak ah ca a chimh ko. Cu tikah Julia cu kum 12 a si tikah university kai kho ding dirhmun ah a um cang.  Cape Fear community timi university ah a lut i kum 14 a si ah degree a la cang.

Cun kum 16 a si ah UNCW timi Science degree a la i kum 23 a si ah cun Wisconsin university ah Ph. D degree bak a lak ve.

Anmah Julia hrimhrim nih mi zeipoh i zuam ko ah cun a si kho lomi a um lo , nanmah zong nan i zuam ah cun nan si kho dih cio ko tiah mipi thapeknak a chim len.

HI bantuk fimnak lei ah tha a ka pemi hringtu nu le pa zong ka thangthat hna. Heh tiah ka caah zuamnak he rian an tuan ve. Anmah tanpi nak le tha peknak theipar ka hmuhmi  si a ti.

A nu le pa nih cun Julia cu inn ah tin i hmunkhat ah um an duh nain amah nih cun Japan ah kal i riantuan colh a duh ve. Hmailei zongah biatak in kaa zuam rih lai, kaa tinhmi ka phanh hlan tiang kaa zuam, len rih lai tiah a ti.

Ref. The Grio