Kum (15) nute a pa nih titoih ruangah velh i thi

Tulio cu kan theih bantukin Kawlram chung cu titoih in an i nuamh liopi a si. Hmun kip loah ti an i toih hna. Cu lak cun mipa pakhat nih a fanu kum 15 simi cu ti naa toih ai a ti i a velh, Cu ti a pa velhnak cun minu cu a thi tiah theih a si. Nizan April 14 Thingyan a ciahni an timi ah Okdwin Myone Thayetchin khua ummi Ma AyeAye Khain timi kum 15 cu titoih puai ah a kal ve i heh tiah ti aa toih len ve. 

Cu ruang cun hringtu a pa nih a velh ai. A pa zong nih cun tha te velh ko lo cun a lu le a keng a bek hrawngah a bengh  heh tiah a tuk den. Cu ti a tuk den nak cun a fanu cu mah hngal loin a um i Okcin sizung in Taungngu sizungah an kalpi. 

Heh tiah siibawi te nih an thlawp cuahmah liopi cun kum 15 nute cu a thi. An chimnak cun apa velhnak ah a si ko. a hmai le bek hna ah a bengh sual ti si. Cu ti cun minu cu a thi. A ruak zong cu Taungngu in Okcin lei ah an kir pi. Operation tuah a si lai tiah an ti. A ruak zong Yinkhontan mi harbawm hna nih man lo tein an thlah hna. Ref:Yinkhontan nazi team

Be the first to comment

Leave a Reply

Your email address will not be published.


*