Kum 11 Le 12 Nu Te Te Nih Satan Biaknak Caah Minung Thah An I Tim

US ram i Florida ah siahngakchia 2 hna nu te te cu an 2 ning in a tuhi hngakchia thong ah chiah an si. An thil tuah timhmi nih hin an sianginn saya/sayamah te si hna seh, an nu le an pa si hna seh, palik pawl zong a hninh dih hna.

Palik bawi pakhat nih a chimnak ahcun “ hi hna 2 nih hin sianginn zumput ah mi hngak duakzau dih minung 15 hrawng thah an i tim, hi an tuahnak a ruang hi satan sinah raithawinak caah a si tiah an ti ” a ti.

Vantthat ah an saya te nih an tlaihmanh hna i palik pawl an auh cawlh hna. Palik pawl zong an lau ngai i hlathlainak an tuah tikah an inn ah ca pakhat an hmuh i cu ca ahcun an sianginn umdaan a pung aa suai i bathroom ah kan hngah hna lai tiah ca a ttial.

An phone pawl an check hna tikah an message ah cu bantuk tthiam tthiam cun aa ttial i kan thahmi hna innka hmai ah kan chiah hna lai i kanmah le kanmah kan i that lai tiah aa tial. Khuaruah har a si ko bible nih a chimmi caan donghnak cu kan naih thluahmah cang ko hi.