Kawlram nu pawl Tuluk pa sin ah ting 40-80 in zuar an tong

A poi ko, minung fa ve lo bang har le sat ruangah maw a si ko hnga. Kawlram nu pawl Tuluk pa sin a phanmi an tlawmte ti lo. Tutan zongah puaisa tha lo, mizuar hmang pawl nih Kawlram nu pawl cu Tuluk pa nupi si dingah ting 40 in ting 80 tiang an zuar hna timi thawng theih a si. Cu ti cun puaisa tha lo a tuanmi Yangon ram then ah an tamtuk tiah theih a si. Nu zeizat remruam dah zuar an si cang hnga?

Cu bantuk an zuarmi hna nu pawl cu nu tung, pasal ngei lomi le nungak no tete an si tiah theih a si rih hoi. Nungak no deuh pawl cu ting 80 in an zuar hna i upa kumkhua tam deuh cu ting 40 tluk in an zuar hna ti si. Pasal ngei lo kum 40 nu pawl cu ting 40 lawngbak an si. Nungak no deuh tu cu an virgin hoi hna cun tam deuh ting 80 cung zong an pek ko hna ti si.

chungkhar khuasak har ruangah cu bantuk Tuluk pa sin khuasak a ngamh komi cu tha tein puaisa pawl nih an kal ter hna. Yangon in Muse tiang an tlangtlak ve hna ti si. An chim nak cun Kawlram nu zuarmi nih pa hna an hrin si cun Tuluk rammi sinak tiang pek an si i tha tein i ngeihnak tuah ding, nu hrin cun Kawlram ah kir than ding timi pawl tiang hnatlaknak min sen an thut ti si.

Kawlram nu tam deuh cu a zungzal va um thai ding si lem loin phaisa duh ruangah chikhat an va vat hna khi a si tiah puaisa tuanmi he neihniam deuh nih an chim.  A poi ngai ko. Kawl nu tampi cu an lo cang hna. Ref:Iseemedia

Be the first to comment

Leave a Reply

Your email address will not be published.


*