Kawlram Naga Ah Zawtnak Thalo Chuak Ngakchia 8 An Thi Cang

Tulio Kawlram  chungah zawtnak phun chiakha a tlung cuahmah kan fale ralrin taktak an herh. Abik in mah te uknak a lami Naga ram hawi hna cun an zualhma ngaingai. Atu tiangah ngakchia minung 8 an thi cang. Sii ai thlawp awk zong an tha lo. Anmah tein an  thi a chuak, upa zong tlunh thluahmah hna.

Hi Naga ram hmanh ah hin Nanyon myo pawng hrawng hi a cei khun ti si. Ngakchia in upa tiang nih an celh lo, annih ram hi sifah an si ve tikah siizung tha le sibawi thiamsang zong an ram chungah an um ve lo.

A luancia lio zongah zawtnak tha lo a rak tlung cang i ngakchia tampi an rak thi bal cang. Atu ah sithan kaw tam ngai an thi hoi. A poi ngaingai.

Hi zawtnak hi tih a nun khun nak cu an thawchuahnak lam hi a fak i an thaw a pit, cun an kaa le an hnar in thi a chuak ti si.

Khuadang zongah a tlung lai lo ti khawh si lo, kan fale ralrin cio ding an si lai. A bik in Khualei ummi ko cu ralrin kan herh. Hi zawtnak hi zeibantuk in dah a chuah ti le thlawpnak sii ai zong an thei tuk lo. Tih a nung ngaingai.