Kawlram min thattertu nu 2018 BWF International Series Arhmul Tuk Zuamnak Ah Pakhatnak Hmu

Egypt ram ah tuahmi 2018 BWF International Series Arhmul tuk zuamnak ah Kawlram ai awh in Thet Tha Thu Zar aa zuam i Kawlram caah sui taseik a hmuh. Champion a co. Kawlram tuanbia ah a um bal lomi tuanbia thar a tial.

Thet Tha Thu Zar hi Arhmul tuk a thiam hrimhrim. Vawleicung Arhmul tuk thiam bik No. 9 nak ah a um vemi si.

Tutan Egypt an tuahmi hi BWF International  a voi 43 nak a si i Thet Tha Thu Zar nih Jordan, Czech le Hungary ram in aa zuammi pawl cu a tei hna hnu ah semi a kai.

Semi final ah Malaysia minthang bakmi cu puai hnih piat in a tei than. Cun Final ah Europe minthang Belarus nu a tei than caah champion a co hi a si.

Tutan Kawlram ai awh aa zuammi Ma Thet Tha Thu Zar nih a hmuhmi laksawng phaisa hi sui taseik le  $10000 a si. Hmailei Kawlram min putu le thattertu a si lai tiah zumh ciomi a si.

A thiam bak. Amah bantuk vawleicung minthatnak a hmu mi hi kawlram chungah an um tuk rih lo. A bik in Asia ramchung cun min an ngei pah tawn nain International huap zuamnak cun amah hi  chanthar teinak nganbik hmutu a si tiah ti khawh a si.

Kawl pawl zong an i lawm cio. An lawmhpi taktak.