Kawlram mi tam lakte palik nih an tleih hna

Kawlram cu kan ram harsat ruangah ramkip le hmun kip ah kal in tangka kan kawl hna. A bik in Malaysia le Thailand ko ah kan tam khun. Thenkhat phung ning kalmi an um bantukin phung ning lo kalmi zong an tampi ve.

Nihin Nov. 1 zongah Thai ram ah phung ning loin a kal i rian a tuanmi Kawlram mi minung 300 cu Thai palik nih an tleih hna ti thawng kan theih. Mah an tleih hna nak hi Mesoh myo Yatkuwet 6 ah a si i zeibantuk a fekfualmi catlap an ngeih lo caah tleih an tonnak asi.

Tutan an tleihmi hna hi anmah Thai cozah thil tuahmi a si, operation X-ray an ti i phung ning lo thlithup in anram chung lutmi poah cu tleih ding an ti. Lahwakah, Ralkap, Palik le cun ramri hngak palik pawl i bawm in an tleihmi hna si.

Mah an tleihmi hna cu Kawlram ah kuat colh an si lai tiah anmah Thai lei Lawahka khayanhmu nih a chim.

Ref.BBC