Kawlram ai-awh in zeitik tiang dah Aung La aa thongh lai amah chimmi

Zahan zan ah khan Aung La nih Karaki cu a hnar ruk kiak lak a thongh ai. Fawi tuk in a tei. Karati nih a thiamnak le a mi teinak tleihkhip i reh a timh len nain Aung La nih a thiamnak a rak theih tuk caah aa phet khawh ve.

Round 1 nak hmanh dih hlan ah Aung La nih ngal lak thongh, referee nih zuanhnawh zau lo te cun Karati a thi hnga. Voili tluk Aung La nih a khen i a hnarruk a kiak ve.

Teinak a hmuh hnu ah Aung La nih Kawlram ai awh in aa thongh ding konglam a chim. Ka dam chung poh cu Kawlram ai awh in kaa thong ko rih lai tiah a ti.

ONE Championship pawl he min an thutnak cun puai 4 taang rih. Ruah lo cun tukum chungzong ah thongh than khawh a fawi. Aung La nih Brazil pathawng Machedo a tei caah Light heavyweight taisawm a co. Middleweight champion taisawm cotu zong a si fawn. A rai laimi puai ah cun mah a hmuhmi Light heavyweight taisawm vennak caah a si  cang lai.

A chimnak cun tuanbik thongh ding hi Japan ram ah si te lai tiah zahan zan cun a chim. Tutan puai caah  zarh 10 bakte training a la i a mah zong nih 100 ah 100 training ka tuahmi san a tlai i ka hman khawh tiah a ti ve.

Thenkhat nih tutan hi Aung La caah Kawlram aa thongh a donghnak a si an ti nain Amah  nih cun dam tein ka um si cun 2019 chungah Kawlram ah thongh than ding in kaa tim tiah a ti. Zeicahtiah Kawlram kaa thongh ah hin keimah zong ka tha a tung tuk ve kaa nuam tuk tiah ati.

Ref.SPORTMYANMAR