Kawlram Ah Cuap Cancer A Tam Chin

Yangon Speciality Hospital i doctor pakhat a simi U Win Naing nih a chim i kawlram ah cuap cancer a karh chih yhluahmah a ti. Hi cuap cancer a chuahnak hi kuak zuk ruangah le thli thurhnawm ruangah a si a ti.

A chimnak ahcun cuap cancer a ngeimi minung 10 lakah 8 hi cu kuak a zumi an si lo le sahdah a tawngmi an si a ti.

A chimnak ahcun an siizung ah hin thlakhat ah minung 150 in 200 karlak nih an cuap i zohter dingin an ra tawn i culak ahcun minung 10 ah 8 poh hi cuap cancer an ngei peng, a thawk ka siseh a vun cei deuh hnu siseh.

Hi cuap cancer a ngeimi pawl hi kum 20 in kum 80 karlak an si i cu lakah cun kum 40 in 60 kar hi an tambik a ti. Hi cuap cancer a thawknak a ruang hi kuak zuk ruang deuh ah a si i cu lawng si loin kuak a zuu lo nain an chungkhar ah a zuumi a ummi hna zong cancer hi an ngei ttheu.

Vawlei cungah hi kum a tling cangmi kuak a zuumi hi minung 1 billion leng an um i m in nung 7 million pawl an thihnak a ruang hi kuak le sahdah ruangah a si ttheu. Hi lak ah hin siifak ram pawl ko hi kuak le sahdah ruangah a thimi an tam khin an ti.