Kawl ralkap nih Chin nu an thah, a fanu zong hliam tuar

Kawl ralkap nih minung umnak inn cu hriamnam in an kah caah Chin tar pakhat a nunnak a liam tiah theih a si. Rakhine ram Am peng Wakyitaung khua pawng ummi minung umnak inn 2 cu Kawl ralkap nih riamnam ngan in an kah hna caah Chin tarnu pakhat a thi i cu hnu ah a fanu pakhat hma a pu tiah theih a si.

Cu ti hriamnam a hmangmi hna cu chaklei ralkap phu an si i April.12 zan suimilam 7:00- 9 kar ah Lei riantuanmi hna umnak inn cu voi thlum tluk lam hlat in an kah caah kum 78 simi Daw PaDung cu kuan nih a tlak caah a hmun ah hmakhat teah a thi i a fanu Pame kum 40 cu hma a hmu i Am myo siizung pi ah sii an thlawo cuahmah.

Khuami hna chimnak ah mah a thimi hna cu Lei tuanmi an si i Lei ah cun a kumkum in khua a sami an si hna, Ralkap nih an kah hna sin in an zam colh ve an ti. A thaizing April 13 ah ralkap cheukhat cu a hmun ah an rak phan i hriamnam zong cu an hmuh i an char len ti si. Cu tikah namah ralkap lei nih thih tongmi cu zawci ah an ti i Ks.100000 an pek. Cu hnu ah hma a pumi nu cu 50000 an pek ve.

Cu ti an pekmi konghe pehtlaih in chungkhar lei cu an lungtling lo nain zei an chim ngam lo.Ref: News Report In Burmese

Be the first to comment

Leave a Reply

Your email address will not be published.


*