“Kan ral nganbik cu kan hawikom tha siloah kan pawng ummi an si “

Kan ral nganbik cu kanmah he neihniam bik ummi an si. Kan sining a thei i kan pawng ummi minung hna hi kan ral nganbik an si tawn. Lai phungthluk ah ka kawi ka ral an ti. Cu nih chim duhmi cu kan hawitha, kan pawng ummi kan sining theimi hna nih hin fawi tein an kan thlak khawh.

Mi sawhsawh nih cun fawi tein an kan thla kho lo. Zeicahtiah kan sining dik an thei lo. Cucaah mi na komh tikah na thinlung dih umnak in kom bak hna hlah.

Mi na komh tikah hmuh ding ruat in kom fawn hna hlah. Thil pakhatkhat ruahchannak he mi na komh si cun cu na ruahmi thil na hmuh lo tikah nangmah le nangmah retheih naa pek si.

Cun ka hawikom he kan i daw tuk, kan sining kan i theih dih tiah hnangam tuk in um hlah. Midang nakin kan i komh ning a fek in tha deuh ti zongin um fawn hlah. Zeicahtiah nan kar ah thil pakhatkhat tlamtlin lonak a um tikah huatnak nganpi a chuak kho.

Nangmah ruahnak bantuk si lai lo. Zeicahtiah nangmah lungthin bantuk kha na hawinu hawipa nih an ngei lo kha philh hlah.

That bik cun na sining dik thlir kha na hawikom tha na timi  chim duh hlah, na sining, na tonmi na chungkhar kong na chimhmi nih na hmual an phuah te lai.

Cucaah mi kan komh tikah i ralrin taktak a herh. Hnu le hmai kong kan ruah hau. Lungthawh men in zeipoh kan chim phuan ding si lo.

Na ral nganbik cu na hawikom tha si kho.