Kan Lawmhpi Tuk Cio, Aung La Nsang Nih Teinak A Hmuh Taktak Cang

Zoh lai kan i ngeih tukmi Kawlram Limpi Aung La Nsang thongh puai cu a dih ai cang. Tuzan ah MMA puai 9 tiangah a sung bal lomi pathawng Mohammad Karaki cu Kawlram Lim Aung La nih round  1 nak minute 2 le 21 second ah a tei.

An i thuat hlan hrimhrim ah Aung La nih a rak chim cia, Karaki hi a thawng bak mi le thazaang cak bakmi a si . Nain round thum chungah ka tei lai. Vawlei pumpi nih Kawlram Limpi ka si hmu dih hna seh tiah a ti.

Tuzan cu Aung La hrihhruai pawl kan thin a tur taktak. An vun i thongh ka bakin Aung La nih a chei colh. Thin cu a tur pah, Zeicahtiah kan Unau pa Aung La sungh lai kan duh cio lo. A hmuhmi champion taisawm hrimhrim mi cung phanh ter kan duh cio lo.

Amah zong a tang ve, biatak in training zong a la i teinak Pathian nih a pek taktak ve. Kan lawmhpi bak. Kawlram aa thongh chungah teitu an um rih lo. Atu tiangah a sung rih lo.

Aung La hi MMA ah puai 34 aa thong cang tuzan he, cu chung cun puai 24 bakte teinak a hmu. Amah bantuk minung hi Kawlram minung chungin an sem ti hnga dek maw.

Tuzan hi Aung La caa cun Kawlram aa thongh a donghnak a si cang lai. A puai tangmi pawl cu ramdang ah aa thuat hrimhrim a hau cang.

A champion taisawm a tleih khawh caah kan lawmhpi cio. Uar um bak ko.