Kan Laipa Tial Cung Thang MMA Aa Thua Than Lai

Laimi nih kan i ngeihchunmi MMA velhthawng Tial Cung Thang@Tial Thang Zathang cu a ra laimi November 17 (niruk ni ) ah Chestnut timi pa he an i thua lai. US ummi tal nih cun tha pek khawh cio i zuam hna  u sih. Amah Tial Cung Thang lengah Chinmi hohmanh ramdang minung he MMA aa thuami kan um rih lo.

Tial Cung Thang hi MMA ah puai tam ngaite aa thua cang. Teinak zeimawzat zong a hmu ve cangmi asi. MMA lawng si loin kan Lai paih zong a thiam bakmi le a upatmi a si fawn.

Nikum tiang cun aa pai rih. Lai nunphung a upatmi a si caah uar a um ngaingaimi Laipa a si. Atu zong hi biatak in MMA training kai cuahmah.

An i thuatnak ding hmun cu X Gym Sports Mall, 568 Gerge Bishop PKWY Mytle Beach ah si lai. 864 Fighting Championship ah a si lai i Ammy Featherweight Bout timi weight ah a si lai.

Tha pe cio u sih. Tial Cung Thang hi Aung La he aa kom ngaimi zong an si . Aung La zong nih a bochan ngaimi le a zohthla ngaimi, a training kaimi lakah a uar cem a si fawn.

Teinak hmu hram seh. Lai miphun cawisangtu le min thatter tu zong si hram seh.

Ref. Tial Thang Zathang fb page