Kan hmuhmi tangka control ning phun (3)

Zeitluk hmanh in tangka hmuh thawng law a hman na thiam lo le khom na thiam lo cun mitthep mit-au kar ah a dih peng ko lai. Mi thenkhat nih cun hmuh thawnnak in hman thiam a biapi deuh an ti theo. Zeicahtiah phaisa a hmumi poh phaisa an ngei hlei lo.  Cucaah zeibantuk phaisa na hmuh poh ah chikhat ah a dih colh nak hnga lo a tanglei ah control ning hi vun zoh hmanh,

1)Phaisa na hmuhmi le cang kain hmun thum ah then colh

Tahchunnak thlahlawh na lak sin bakin hmun thum ah then. Ting 3 na hmuh si cun tingkhat in hmun thum ah chia law, a hmun khatnak kha  pek lo awk tha lo mi le hman lo awk a tha lomi ah hmang. Tahchunnak mei man, ti man, inn man tibantuk ah hmang. Cun a phu hnihnak kha cu bank ah chia colh.  Bank na chiahmi kha hman lo ding tinak si loin nifa na eidin herhhai caah si seh, nikhat ah 5000 leng chuah lo ding i zuam. Cun a phu thumnak na chiahmi kha a dang tazi, nazi le thilri cawk nak ah hmang. Mah na then cang hnu ah cawh pulh in hmang bak fawn hlah. Mah hman ding na ti nak zawn te khan hmang hmanh. A herh lonak ah na phaisa a kal lai lo i caan saupi na kut ah taangka a tang lai. Kut ro in na um lai lo.

2)Nifatin ti awk nuamhnak khua ruat hlah

Lengchuah, Bar kal, nuamhnak hmun kal tibantuk ruat tuk hlah. Kha bantuk phaisa le caan dihin nuamhnak kawl i tim hlah, an lem lai i na lo lai. A caan cun a herh ve nain nifa tin zarh fatin nuamhnak kal lo ah a tha. Tahchunnak thla hlawh na lak sin bakin ni nga peh te nuamhnak kal hmanh leiba  na ngei colh lai. Aa nuam ko  a poi lo na ti lai nain a herhnak hman ding na timi kha na leiba ah a kal lai. Nuamhnak tam deuh na kal poh sile na ruah lo ning in tangka na hmang lai i hman lo ning na timi zong na hman dih lai.

3)Mi zoh dawh men in nun i tim hlah

Na taangka hmuhmi kha control khawh i zuam. Nikhat ah dennak ding shopping mall tibantuk kal hrial. An i sawm zongah kal hlah. Cun thil man saang tuk cawk i sum fawn. Na thil cawkmi le na thlahlawh zoh ti peng. Tahchunnak zarhkhat na hlawhmi man hna in kedan pakhat i cawl men hlah.

Na thil kha na herh tik poh ah zuar awk an tha lo ti thei, cun zeitluk man sang man hmanh ngei law i hruk peng awk an tha lo. Thilri tampi ngeih nakin tangka ngeih tu i tim.

Hi a cunglei pathum  hi zul hmanh na phaisa tampi a him ( save) deuh hrimhrim lai.

Ka peh than te lai,