K-pop singer Jung Joon-young cu a thli tein Nu he (nuva sinak) an tuahnak video a zaih ruang ah tlaih a si

K-pop singer Jung Joon-young cu Nu hnatlakpinak lak loin (Sex) an tuahnak video cu a post ruang ah tlaih a si.South Korean palik nih kum 30 a simi singer cu Sex a tuah pimi Nu pawl ngaihthiam a hal dih hnu hna ah an tlaih.Kan hnung zarh ah khan Jung Joon-young cu palik nih biahalnak an neih tikah, a thli tein Nu pawl theih loin video a zaih tawn ko hna tiah amah zawng nih  pawm I, kum 2015-16 ah khan online ah cu video cu a rak thlah tiah a chim. Nu pa 10 leng hrawng an mah hnatlaknak loin video a zaih hna I online ah a thlah hna tiah theih a si.

March thla 12 ah singer-songs writer a si mi cu biahalnak an neih nak ah a chim mi cu, Nu pawl an mah hnatlaknak loin video ka zaih ko hna tiah a ti, cun “mah video ka zaih lio hna ah hin, thil sual a si timi ruahnak pakhat hmanh ka rak ngei lo”, tiah a chim.“ka nungchung vialte, khua ka rak tuaktan dan le ka nunning dan le, ka thil tuah mi vialte ah hin I ngaichihnak lawng tein ka khat ko lai,” tiah BBC sinah a chim.Jung Joon-young case cu palik pawl nih an hlet hlai cuahmah lio ah K-pop superstar a si ve mi Seungri Big Bang member a si mi cu Jung Joon-young te group chatnak ah a um ve ti theih a si.

Big Bang member a si mi Seungri cu, Jung Joon-young kawng news ah a chuah hlan ah an member sinak in a chuak tiah theih a si I, Seungri zong palik pawl nih a club chung ah VIP pawl caah Nu a hlang piak tawn hna tiah theih a si ruang ah an tlaih ve.Kum 28 a simi Seungri cu a member le entertainment industry in a chuak cang ti theih a sii, a cung ah hi bantuk sualpuhnak hi a hman lo mi a si I, palik pawl nih biahalnak zong a hman ning tein ka leh hna lai tiah a chim.

 

 

Be the first to comment

Leave a Reply

Your email address will not be published.


*