Juventus le Man U an tla, Barca le Ajax an kai

Tukum champion league ah champion co dingin zumh taktakmi Ronaldo umnak Juventus cu an tla ruangmang cang. An caah champion league a dih cang. Ruah lo tuk in Ajax nih anmah Juventus inn ciacia ah an tei hna caah Ronaldo le a hawile pawl cu an tla ruangmang. Tuan deuh a voikhatnak an i ton lio ah cun Ajax inn ah a si i 1:1 in an i tluk nain tuzan a voihnihnak Leg. 2 ah cun Ajax nih 2:1 in an tei nak hna caah Juventus cu Champion League Quarter Final in an tla thai i Ajax tu cu semi an kai ve.

Tuzan an i celh zoh cu a nuam hringhran. Final puai pi bantuk asi. An tang veve. Juventus lei nih an kawl hmasat hna nain Ajax nih an cham than colh hna. Juventus lei in C. Ronaldo nih half time minurte 28 ah a lu in a suk i a kawl. Sinain Ajax  lei nih minute 34 ah an kawl ve . Cucu Van De Beek nih a kawl.

Hlaf time cu 1:1 in an dih. Cu tiang ah cun an i tluk bak si. Sinain second half an chuih than tikah Ajax nih an nen ngai hna ruah lo pi ah minute 67 ah M De Ligt nih coner an chuihmi cu alu in a suk i a kawl. Cu ti cun puai dih tiang Ajax nih Juventus cu 2:1 in an i tei hna caah Quarter Final Leg.2 of 2 Aggregate 2-3 in Ajax semi an kai.

Cu ven bantuk cun Man U zong Barca nih an phomh hna 3:0 in an tei hna caah puai hnih fonh 4;0 in Bacar nih teinak an hmuh i Man U cu an tla ve cang ruangmang. Zumh ngaimi an si ve nain tuzan cu Barca  Messi nih an thah deng hna. Liverpool le Porto, Spur le Man City an tang rih.