John Piper Nih Khrihfa Nih Lentecelhnak Ah Tangka Ttaan Lonak A Ruang A Chim

America ram ah hin lentecelhnak ah tangka ttaan a laar tak tak i kum khat ah American pawl tangka an sung an miak mi hi billion tampi a si tawn. Pa pakhat nih John Piper sinah hi bantuk thil hi kan tuah awk a si maw a ti tikah John Piper nih a lehmi cu “ hi hi thil hmete ah nan ruah nain sual a Si Khrihfa pawl nih kan tuah awk a si lo ” tiah a leh.

A ruang 7 in a chim i a pakhatnak ah Piper nih hi pa hi nunnak pakhat lawng a ngeih kha a vun theihter tthan i hi na nunnak hi Pathian sunparnak caah hmang hi bantuk mitthlam vawlei ah hin nung hlah a ti. A pahnihnak ah Piper nih Satan sin in a rami hlennak in hin luat dingin a chimh. Hlennak nih cun a tak tak si lomi nuamhnak kha a tak tak ( a hmun peng dingmi) nuamhnak a lawhter caah i ralrin dingin a chimh.

A pathumnak ah Piper nih mipa cu zarhkhat ah dollar 20-50 a hman pengmi cu a tlawm loning a chimh i vawlei mipi nikhat ah dollar 2 laqngin an nung ti kha a vun theihter tthan i hi a hmanmi zat hi missionary ah vun pe lengmang sehlaw zei tluk in dah a tthat hnga a vun ti.

A pali nak ah bible nih hi bantuk i zok zok in rumnak in i ralrin dingin a chimmi kha a vun theihter tthan cun a pahnganak le a donghnak ah Piper nih hi bantuk thil ti ruangah mirum pipi zong ei awk ngei lo tiangin an umnak kha a vun theihter tthan.