Jesuh Khrih a zumhnak a kal tak duh ruangah Boko Ralhrang nih an hrenmi Leah

Nigeria ram chung ralhrang Boko Haram pawl nih kan hnu kum khan nu no lawngte sianginn kai liomi 109 an rak tleih hna i cu zat minung lak ah cun Leah timi nu lawnglawng hi Khrihfa a si ai.  Boko Haram timi ralhrang hna nih nungak no tete an tleih hna hi 2018 February thla ah khan a rak si i tleihmi 109 chungah 104 cu caan rau lo teah an thlah dih than hna. Hi an tleih hna hmun hi Dapchi timi peng kulh chungah a si i midang cu an thlah dih hna. Leah timi lawng an hren. Zeicahtiah khrihfa a si.

Nai nihnih ni May 16 ah khan kum 16 a tlinnak a si ve. Atu tiang Boko Haram ralhrang nih an hren peng ko rih. Zeiruang ah dah Boko Haram pawl nih an thlah duh lo ti cun, Na zumhmi Jesuh hi kal taak law, na biaknak hi i let cu ti na zumhnak na kal tak si cun kan in thlah lai an ti nain a zumhnak a kal tak khawh ve lo caah an thlah bal lo.

Leah cu zumh tlak nu sal taktak a si. Vawleicung Khrihfa vialte nih a kong theih dih si cang. Anmah Nigeria ram uk pawl zong nih Leah cu chanh le chuah an i tim nain an ti kho rih lo, a tu tiang ralhrang kut taang ah a um ko rih. Heh tiah a ram khrihfa pawl zong nih thla an cam piak. Kum 16 te lawng hmanh si ai kun, a zumhnak ah nu tling taktak a si.Amah telh in a tutiang Boko ralhrang kuttangah Nigeria nungak 112 an tlau. Ref:international Christian Concern

Be the first to comment

Leave a Reply

Your email address will not be published.


*