Inn ngei nuva nih cei taktak in an velh

Tulio hrawng cu nu tete nih Singapore ram ah kal in sin um rian a tuanmi an tam ngai. Cheukhat inn pawl cu an tha ngai i sin um tuan pawl zong anmah fale bantuk ah an ruah hna an dawt tuk ko hna, cu lak ah cheukhat inn ngei pawl ve cu an chiakha ve hoi i an sin um pawl heh tiah an hrem hna. A phunphun in harnak an pek hna. Phaisa ruah ah an inn tuar chih i si ko.  An caah a fawi lo.

Tutan zongah Singapore ram i mi sin um rian a tuanmi Indonesia rammi nu pakhat cu an umnak hna nih cei taktak in an velh. A min ah Suyanti Sutrinso ti a si. Amit hmai zong a duk dih. Phing dih cikcek. Cu ti an velh cu Cozah lei nih an theih caah inn ngei nuva hna cu fak taktak dan an pek hna lai.

Inn ngei nu Chia Yun Ling cu kum 4 thong thlak a si lai lengah phaisa $ 4000 liam ter a si lai. A pasal Tay Wee Kiat zong cu thiam thla 24, kum 2 thong thlak a si lai i phaisa tu cun $3000 liamter ding in biachahnak an tuah piak hna. An nuva dantatnak fak taktak an in.. Ref:MWNews