Indonesia vanlawng tlami kongah thawng dik lo thlah lo ding cozah nih media pawl ralrin pek hna

Tulio vawlei pi a hnin dihtu Indonesia vanlawng Lion Air tlaknak kongah thawng dik lo thlahmi an um hna. A luatmi an um a timi an um caah cu bantuk thawng diklo  thlah lo ding in anmah Indonesia ram cozah nih media pawl ralrin an pek hna.

Nikhat ni ah Jakarta  Airport in a zuang i a zuan tlawmpal ah rili chung a tlami vanlawng kongah thawng dik lo tamtuk an thlahmi a um. Cucu cozah lei nih an doh ngai. Mah vanlawng tlaknak cun minung 189 an thi.

Online hmangtu hna sin zongah ralrin an pek hna, a si lomi video file pawl an thlahmi a um. Ralrin te le fimkhur tein thawng zamh ding tiah pawngkam zohkhenhnak lei agency lei upa pakhat nih a chim.

Thenkhat media nih cun kan hnu July thla lio i Indonesia ram tilawng aa leh lio i ngakchia pa pakhat a luatmi kha tutan LION Air vanlawng tlami lakah ngakchia pa  luat tiah an ti i cucu mipi a zummi an tamtuk ti si.

Indonesia ram ah hin hi bantuk thawng dik lo zamh hi a tam tuk ve, An ram upa pawl lungre a thei ngaingai.

Ref. AFP,RFA