Indonesia vanlawng tlaknak a ruang theih si cang lai Black Box an hmuh cang

Vanlawng a tlak tikah zeiruangah dah a tlak ti le cun a chung ummi pilot telh in mipi an thil tuahmi , an holhmi vialte cu record tuahtu a um. Cucu Black Box a si. Tahchunnak ah vanlawng chungah mi that pawl nih thil tha lo tuah hna sehlaw cu zong cu black box nih a tleih dih lai.

Cucaah vanlawng pakhat a tlak tikah zeidang nakin an kawlsuat bikmi cu black box hi a si. Mah black box hmuh cun thil sining a fiang dih ko.

Tutan Indonesia Lion Air a tlaknak ruang zong theih a si rih lo nain atu ah mah Lion Air vanlawng black box umnak theih a si cang. Tiluh thiam nih an lak cang lai. Rili a thuh pee 100-130 kar ah a um an ti. Mah black box nih cun a tlami vanlawng Lion Air sining vialte record a tuah dih caah upa hna nih beiseinak nganpi an ngei.

Minung hmanh thi dih hna sehlaw vanlawng chungah zeidang cang siloah zeitindah vanlawng a tlak ning timi an theih khawh lai.

Mah black box umnak pawng hrawngah vanawng thilri zong tampi a um lai tiah an zumh fawn. Lion Air cu Oct. 31 tiangah a thilri an kawl peng ko rih. Minung a luatmi tu cu an um lo. 189 ning in an thi dih.

Ref.RFA, AFP,ADEK BERRY