Indonesia Rili Chungah Vanlawng A Tlami An Hmuh Cang ( +hmanthlak)

Nihin tihni zing ah Indonesia ram ah vanlawng minung 189 a phormi cu rili chungah a tla. Hi vanlawng Lion Air flight, JT610 hi Jakarta khua in aa thawh i a zuan hnu minute 13 hrawngah airport office in an contact kho ti lo.

 

 

Cu hnu ah Jakarta khua in a chuakmi tinbaw a mawngtu pawl nih rili chungah a tlak lio kan hmuh tiah an chim. Rili kam ah vanlawng thilri le thutdan te hna pawl cu an hmuh hna i vanlawng rili chungah a tla ti cu an rak fiang.

 

Nihin ah hi vanlawng a tlaknak hm uh n ah an va kal i miruak pawl an va chuah hna. Vanchiat ah a luatmi pakhat hmanh an um lo an dihlak in an thi.

Hi a thimi lakah hin hngakchia bawhte 1 le kum hra tang 2 an i tel chih. An vanlawng mawngtu pawl le an rianttuantu pawl zong an thi dih.

Hi vanlawng hi Australia ram ta a si i hi vanlawng hi a zuannak thla 2 hmanh a tling eih lo ah hi thil a can tikah mipi nih an mawhchiat ngai hna.

Hi a thimi vialte i an chung le pawl cu zaangfak tuk an si, an ngeihchiatnak thlacamnak in tuarpi cio hna u sih.