Hringtu nu le nih fale caah thih an rak tih bak lo ti a fiang

Hringtu nih a fa zeitluk in dah  a dawt ti cun amah nunnak hmanh ruat loin a fa caah khua a ruat . Cu lengah a fa intuar ding vialte keimah tuar ning a ti. Nihin zingah khan Karen State Laibuai peng Kapali khua timi pakhat ah nufa hna cu lei ah an kal. Annu farual ti an tannak lio ah minu a fale 2 lakah upa deuh  kum 7 pa kha  ti nih a kalpi. Cucu a nu nih a zoh khawh lo tikah a zuanhnawh cu an nufa nunnak a liam.

Khuami pawl nih a nufa an ruak cu an lak khawh hna. A hniangpa tu cu a luat. Hringtu nu nih a fapa a dawtnak a lang khun.  A chanh khawh hnga lo a theihtuk nain a fa lawng nunnak liam lai a ruat kho lo. A mithmai ah a fapa thih lai a ruat kho lo i amah zong a thi ve.

Nu le cu Fale nih zeitluk an lung ton lo le an ngeichhiatter zongah fale caah an lung a dong bal lo. Tihmi an ngei lo hrimhrim.

Ti khawh le ti khawh lo an tuah lo fale caah tuah hrimhrim an duh. Nu le pa le fale kar ah buaibainak le siknak a um tikah fale lei a tang pengmi cu nu le an si.

HI thil a cangmi nih tampi fim a kan chimh.