Hringtu a pa mitthli tlak ter tu nu

Pa cu nu bantuk in kan thinlung a nemno lo, a herh lo nak ah mitthli tlak hmang lomi kan si. Phundang chim cun pa cu lunghno phun kan si lo. Nu belte cu an lunghno an ngaihchiat poh ah an mitthli a tla tawn, pa tucu kan si ve lo kan ngaihchiat caan nak hmanh in kan lunglawmh caan ah mitthli a tlami phun kan si. Sunghnak nganpi na ton caan na pa khi zoh hmanh a mitthli a tla lai lo, thazaang tu an pek  lai. Hringtu na nu belte cu an tahpi men lai. Cucu nu le pa an i dannak a si ve.

Hringtu na pa mitthli tlak caan cu a lungthin na lawmhter le a duh ning te na nun caan le teinak le hlawhtlinnak na hmuh caan a si. Mah belte a mitthli tlak lio hmuh tu cu a har taktak ve. Mi um lo nak hmun hna ah an mitthli an thlak tawn. Cucaah nang zong hringtu na pa mitthli thla tu na si maw? That lonak lungdongh mitthli tlak chim duhmi si lo. Fale ngaihchiatnak kan ton tikah nule nih fale an kan tuarpi deuh, fale nih teinak kan hmuh caan aa lawm bikmi cu pa le an si.

Nai ah Kawlram taanghra sungawn a thang ciammam cu lawmhnak a khatmi an um lio ah ngaihchia taktak in a ummi an um ve. Cu lakah cun Kawlram  Music Band lei minthang pakhat Lazy Club in Quiter thiammi Naing Zaw fanu nih kungthu 6 (6D) bak a hmuh ve. Cu lawng hlah a Mark zong a tha tuk ti si. Cu ruang cun hringtu pa Naing Zaw cu a mitthli a tla bak. A lunglawmhnak cu a mitthli nih a langhter. A fanu nih Mark 600 ah Mark 521 bak a hmuh.

Cucaah nang zong nih that lo nak lei si loin that nak lei in na pa mitthli na thla kho ve lai maw? Na pa mitthli hi a sawhsawh  in a tla lo tihi philh hlah. Ref: momolay

Be the first to comment

Leave a Reply

Your email address will not be published.


*