Hmanthlak pakhat hmangin President Donald Trump sin ah ca an kuat!

Hi hmanthlak hmang hin President Donald Trump sinah ca an kuat rua! Baubah ti I instagram hmangtu nih cun hi hmanthlak hi account ah apost I, Biaknak I khahlo ruangah le nunzia I khahlo ruangah kan buai ve lo tiin atial. Cu a thil postmi le tialmi cu mitampi nih an uar ngai ngai hna ti asi. cu long silo in president Donald trump sinah hmanthlak cheukhat hmangin ca akuat ti asi.

Hmanthlak ka tarmi hi New york khawpi chung I, akal mi tlanglong chung I a um mi hna thlakmi asi. Nu pakhat cu lum ngai bantukin thliri cu ahruk I, ahmai akhuh fawn. A pawng I thu mi nungak pakhat belte nih cun hni ching ngai mi ahruk ve I, pa ngai khin athu ve. Asinain an pahnih karlak ah buai nak pakhat hmanh achuaklo. An duh ning paohin an um veve ko, an mah nawl asi.

Cun president Donald trump sinah cun Mr. president hi hmanthlak ah hin Luatnak sunglawi ning alangh ter ngai ngai I, kan nun ning akhahlo ruangah hin kan buailo reng reng tiah a ti. Kan theih bantukin taw azuarmi hna le neihmi akhatmi pawl a uarlo mi cu president Donald trump long asi.  mi vialte hna nih hin an duh ning ciau in khawsak nak nawl an nei hna.

Hi bantuk in an um ruangah hin buainak pakhat hmanh achuaklo hrim hrim. Nu dawk padawk hna le Lesbian zong thil thalo asi lo. dohkalh le sawisel thangchiat ding an silo ti nak khi asi. president donald trump nih cun mahbantuk hi athil huat bak mi le Bible kalh asi tiin aruah I, a doh ngai hna. President Obama chan lio I, same sex marriage kong I bia chahnak atuah cangmi cu alung atling kho hrim hrim lo.

Neih akhatmi hna Gay le Lesbian hna caah mah ti bantukin president Trump sinah caa an kuat nak hi asi ko kho ngha maw? President Trump nih cun zei caa hmanhah arel piak hna rua lo. A sinain social media leiah cun areltu le azohtu an tam ngai ngai.