Hmai ngo na duh cun a tang Skin care tuah ning hin tuah hmanh

A tanglei ah vawlei cung miphun (4) nih an taksa dawhnak Skin care an i tuah ning hi vun zoh hmanh dawh lo awk hrimhrim an tha lo. Zeibantuk ram le miphun tuahmi dah na uar bik? Minung nunnak ah takvun hi a biapi tuk, a bik in nu pakhat simi nih zeitluk a tungkhan that zong ah a taksa vun aa dawh lo cun muichiat a hlawh ko. Cucaah takvun hi a biapi tukmi si. Skin care an tuah ning aa dan cio ning…

France- France miphun nu pawl nih an takvun  an i thlawpning hi a mak ngai zeidang make up le cream an hmang lem lo. An hmanmi cu tikhal tlang (ice)  bak in an hmai an hnor peng ti si. Zeitindah an tuah ti cun an hmai kha thiang tein an phiah i cu hnu ah tikhal tlang khan heh tiah an hnor. Cu ti an tuahnak cun an hmai takvun a tha i an hmai cung bophar an lo dih. Cun an thi kal a tha ti si.

Japan – Japan nu pawl hi vawleicung nu dawh lak ah an i tel ve. An taksa aa dawh tuk. An nu pawl an takvun hrim  duh a nung. Cucu zeitindah skin care an tuah ti cun ti le facang ning in an tuah ve. An tuah ning cu cafang kha dip tein an rial i cucu ti he an cawh i an hmai an i thuh. Cu ti tuahnak nih cun hmai taksa chung ummi a thurhnom le rungrul vialte a thah an ti. Tar zong a khamh an ti. 

Spain- Spain nu pawl skin care an i tuah ning cu Aalu kha an par i an hmai ah an benh thup. Cu nih cun hmai cung ummi bonak , arsik le a pharmi zohchia thurhnom vialte a thianh dih ti si. Cucu nifa te an tuah ve. Aalu kha an hmai caah si phuntha ah an hman.

Korea- Korea nu pawl khi ti an i dawh i an takvun aa dawh nak cu cangreuh (khayuh) in sermi cream pawl an hman caah a si. Snail cangreuh timi in an tuahmi kha an hmai thuh ah an hman skin care nak caah an hman bik ti si. Cu nih cun hmai cung thurhnom vialte a thianh dih tiah an ti, An uar taktak.. 

Be the first to comment

Leave a Reply

Your email address will not be published.


*