Hlasak thiam Pensy thlacam in bawmh a herh

Laimi tampi nih kan uar ngaimi Mizo hlasak thiam muidawh PENSY B cu US Texas Chin Khrihfabu pakhat nih an sawm caah kal ding in timhtuahnak a ngeih cuahmah liopi a si. Thlacam in bawmh a herh taktak zeicahtiah tulio hi India ram in US lei kalnak visa hmuh a har tuk lio a si. US an sawmmi kongah Pensy cu visa konghe pehtlai in May 8 le 9 khi India ram US Consultate Kolkata ah kal ding a si.

Interview a tuah lai i a awn cun a kal te lai. Tutan Pensy sawmtu hna hi Texas State Midland Chin Emmanuel Church an si. Hlasa ding in an sawm tiah theih a si. Cun Pensy cu May 25-27 kar tuah dingmi Asia Pacific Baptist Federation Youth Conference  pi zongah Baptist Choir (BCM) phu in aa tel ding a si fawn. 

Nai te ah South Asia Mission Society Mission program in Cambodia in a kir ka te a si fawn. Manh lo ngai in aw le zai in Pathian thawngtha a phuang cuahmah mi a si caah thlacam piak a herh ve. Tutan zong US Visa a hmuh cun US Texas Midland ah cun a kal te lai. A nih hi Mizo gospel singer minthang a si ve. Ref:Mizownews