Hi nu nun hi mino simi poh nih cawn ding si

University  kai lio nu pakhat nun hi cawntlak bak si. Ca a cawn pah tein thla 18 ( kum 1 le cheu) chung ah Dollar 20000 (ks. sing 150) bak te a khon khawh. Mi tampi sianginn kaimi cu nupa phaisa pek lawng kan bawh, an kan pek ning in kan hman dih zungzal fawn.

Zei tik te hmanh ah kan khong bal lo. Sinain Australia mi kum 19 nute cu a sianginn kai pah tein thla 18 chungah anmah ram Dollar 20000 bak te khon caah mipi an lau dih ko. A hawile zong an khuaruahhar dih cio.

HI bantuk phaisa khon khawhnak ruahnak a ngeih hi 2015 lio te khan a rak si cang. $1000 Project timi cauk a rak rel i cu cun idea a ngah.

A min ah Anlan an ti i ngakchia zohkhenh nak rian a tuan pah rih. Nikhat ah Dollar 15 a hmu. Cun ca a chim pah i suimilam pakhat ah Dollar 30 a hmu rih.

Phaisa a hmuhmi pia tete hi hmang sawh loin bur chung teah a chiah zungzal. A rian zong a fel fawn. Tlawlh lo tein rian a tuan peng.

Cu i a hmuh mi chungin hi zat a khon khawh nak hi a si. Voikhat ah tamtam a khong hlei ve lo. Tlawm tete in a khon peng tikah a hnu ah cun rel tlak ah aa chuah.

Nang zong rak khong ve. Tangka khonmi hi ngeih cio ding kan si. Mino deuh hrim nih cun phaisa tampi hmuh i timh ding, cun hmuhmi chungin khon ding a si fawn.

Ref.Daily mail