Hi hmaithuh Day Cream hi i thuh lo ding si lai, tihnun tuk caah zuar onh an si ti lo

Tulio nu nih an uar ngaimi day cream Robisis hi tihnun tuk caah hman lo ding si lai. Zuar ti lo ding an ti cang hna. Mah Robisis Day Cream chungah hin minung kan caah tihung simi chemical tampi a um. Kan ngandamnak hrawktu zong a si an ti caah Robisis taseik cuangmi hmaithuh pohpoh zuar ti lo ding le ser ngol dingin Kawlram eidin le sii ai lei ngiathlaitu phu FDA nih an phuan.

Mah Robisis taseik cuangmi hmaithuh le takthuh pawl hi Myanmar Sea Dragon Training company nih Thailand company he i bawm in an serchuahmi a si. Ramchung ramleng ah heh tiah an zuar i tulio nu nih an hman ngaimi a si fawn. Online zongin an zuarmi si.

FDA lei hlathlai tu nih an zohfel tikah mah hmaithuh Robisis phun thlum chungah hin minung caah tihnung tuk simi Mercury tamtuk a um tiah an ti.

Hi bantuk chemical ,Mercury nih hin minung takvun rawknak, tak thah, takphin, takvar le taksen a chuahpi i cun pum chunglei hrim caah tihunung si an ti. Taksa a conter, tak a sit ter, lufah le lungzawtnak tiang a chuahpi khawh tiah tha te zohfelnak an ngeih hnu ah FDA lei nih an chim. Atu ah cun mah taseik cuangmi hmaithuh le cream poh zuar an sianh ti hna lo.

An sernak taseik original vialte zong FDA zungah ap dih uh an ti hna. Mah cream hi 2017 October 16 in chauh hram an thawkmi si.

An sernak taktak hi Thailand ram Sky Resource sdn. Bhn le Comsmaprof company nih an sermi si.

Mizzima