Hi bantuk tlangval ziachia hi cu nu nih hrial bak ding

Nungak pakhat nih a phone cakuatnak code number a thlen ruangah a tlangval pa cu a thinhung ciammam i  nungak nu cu cei taktak in a velh ko. Hi thil hi Thailand ram Bangkok myo ah motor dirnak parking pakhat ah a cangmi si.

Velh a tongmi nungak nu hi kum 22 tluk a si i a darling pa hi kum 25 a si ve. An nih pahnih  hi aa duhmi an si, an i komhnak zong sau ngai cang ko. Zu dawr ah an kal i zu an ding ti. Nungak nu nih message kuatnak app code kha thlen i, cucu a tlangval pa nih a hmuh tikah an kar ah i siknak a um.

Tlangval pa nih cun cei taktak in a velh ko. Phone message kuatnak code thlen  ruang i cu tluk velh cu. A hmumi poh an khuaruahar cio . A voikhatnak cun nungak nu a thinhun aa celh lo i a tlangval pa cu voikhat a hmai ah a bengh ve.

Cu tikah a tlangval pa nih a motor cycle luchin a lak i a nungak nu hmai cu a tuk ko. Cun motor lam cung tiangah a sam in a hnuh chih rih.

A hnu ah cun pawngkam minung nih nu cu an chanh i palik nih tlangval pa zong an tleih ve. Tlangval pa cu a tlawmbik kum 10 thong a tla kho tiah palik nih an chim.

Hi thil kan hnu thla July ah khan cangmi si. A hlun ngai cang nain nu le pa kar, hawikom kar ah lungfim kan herh caah til mi si.

Daily mail